Në Bashkinë e Kolonjës ka përfunduar numërimi i votave dhe rezultati doli si më poshtë: Partia Socialiste grumbulloi 3733 vota. Partia Demokratike & ASHM mori 1664 vota. Lëvizja Atdheu mori 6 vota, KEA 22 vota, Nisma-SHB mori 124 vota, AKSH 7 vota, ADR 7 vota, DZH mori 8 vota, Mundësia 86 vota dhe PSD 83 vota.

Ka përfunduar numërimi i 116 kutive në Shkodër nga 405 që janë në total. Deri më tani udhëheq PD-ASHM me 11,027 vota, e ndjekur nga PS me 9,369 vota dhe PSD me 5148 vota.

Deri tani në qarkun e Vlorës janë numëruar 152 kuti votimi nga 449 në total. Partia Socialiste kryeson me 17,230 vota (58.2%). PD-ASHM ka grumbulluar deri më tani 8,310 vota (28.1%). NISMA-SHB deri më tani ka 1,745 vota (5.9%), e ndjekur nga Mundësia me 1,136 vota dhe PSD me 514 vota.

Janë numëruar 70 kuti votimi deri tani në qarkun e Lezhës nga 245 në total. PS deri tani ka 7762 vota (44. 25%). PD-ASHM – 7691 vota (43.85%) Koalicioni Nisma Shqipëria Bëhet ka 934 (5.32%).

Në qarkun e Elbasanit janë numëruar deri tani 147 kuti, nga 508 që janë në total. Nga numërimi udhëheq PS, me 24.410 vota (61.0%). Ndërsa PD ka marr 11.598 vota (29.0%). Koalicioni Nisma Shqipëria Bëhet ka marr 1.278 vota (3.2%). Partia Mundësia – 864 vota – 2.2% Partia Koalicioni Euroatlantik (KEA) – 805 vota – 2.0% Partia Socialdemokrate (PSD) – 470 vota – 1.2% Lëvizja Bashkë – 331 vota – 0.8% Koalicioni Djathtas për Zhvillim (DZH) – 97 vota – 0.2% Partia Aleanca Kombëtare Shqiptare (AKSH) – 67 vota – 0.2% Lëvizja Atdheu (LA) – 44 vota – 0.1% Partia…

Sipas KQZ, deri më tani janë numëruar gjithsej 20 kuti votimi, (12 në Korçë, 6 në Gjirokastër, 1 në Kukës dhe 1 në Berat) Rezultatet sipas KQZ nga këto 20 kuti janë: PS – 60.67% (2,390 vota) PD-ASHM – 31.53% (1,236 vota) Nisma “Shqipëria Bëhet” – 2.78% (109 vota)

Ka përfunduar numërimi i 6 kutive të para në Vorë, ku PD kryeson me disa vota më tepër se PS. Konkretisht PD-ASHM ka plot 522 vota deri më tani kundrejt 501 votave të PS-së. Numërimi sapo ka filluar dhe mund të ketë përmbysje pas përmbysjes.

KQZ ka publikuar shifrat e pjesëmarrësve në votime ditën e sotme. Deri në orën 17:00, dy orë nga mbyllja numërohen më pak se 40% e pjesëmarrësve, konkretisht 39.16%.

KQZ ka publikuar shifrat se sa votues kanë marr pjesë që nga hapja e votimit deri në orën 13:00. Sipas KQZ pjesëmarrja e votuesve deri në këtë orë ka qënë 27.08%. Hapja e votimit u bë në orën 07:00 të mëngjesit dhe do të mbyllet në orën 19:00 të ditës së sotme.

Një incident është rregjistruar në Lushnjë, teksa sipas dëshmitarëve, komisionerët e PD kundërshtuan përdorimin e kamerave nga përfaqësues të PS, duke pretenduar se këta të fundit po filmonin ose fotografonin votat e qytetarëve. Më tej dëgjohet një prej komisionerëve teksa shprehet me tone të larta 'S'ka burrë nëne...' dhe situata agravoi në përplasje fizike. Votimi u pezullua përkohësisht deri në sqarimin e situatës.